| Dr.fafo0o's profileˆ°~*¤®§(*§عــــذبـــه ال...PhotosBlogLists |  Tools  Help |
|
March 29 33هذي قصه مره نايس وتضحك ....قريتها من سبيس وحبيت انقلها لكم ....
  قصتي مع مغازلت سحليه  المهم وانا في عز النووم والسعااااابيل والا وفجأه 00 رن التلفونوطبعا تلفونا شايل خالي منه كل الارقااااام 00 موب مخلي الا رقمين التسعه والثمانيه يعني مالك الا تدق على الشرطه ولا الدفاع المدني وغيرها مافيه المهم اني رفعت السماعه واقول نعم... الا وذاك الصوت الي يرد الروح .. صوووت بنت .. واخوكم إذا سمع صوت بنت اوجعه بطنه وانووواع الاسهاااااال ... وقالت الوو .. انا مااعاااد عرررفت وش اقول انشلت براااطمي وطلعت كني ياسرر عرفااااات ... ال ال ال الووووو ... قالت .. مين معاااي ...؟ قلت .. انا معاااك .. انا (( صراحه جواب يدل على ذكااائك ..!!)) وهي اللي تضحك .. وانا قلبي احسه مو طبيعي قالبها سامري وتستنزل عندي الكبد والبنكريااااس وانوااع الرربكه .. وقالت لي .. سوسو موجووده ..!!؟ قلت لها .. ماينفع طوطو ..؟؟  قالت .. مين طوطو قلت ..هذا اسم الدلع حق الطاووس اللي هو انااااا..!! وضحكت للمره الثانيه على التوالي .. وقالت. يؤؤؤؤؤؤؤؤ شكلي غلطانه ؟؟ طيب آسفه .. قلت لها لا عاااادي .. لاشكر على واجب .((دايم اسمع هالكلمه وجالس احترري الفرصه اني اقولها ..!!))  وقفلت السماعه .. تصدقون مادري وش صار فيني حسيت بشعقريره في جسمي وان افراازاات الخشم عندي زاادت.. وان ودي ارووح انبطح في الحوووش واكتب قصيده هجائيه. . لايكوون هذا هو الحب اللي يقولوووون ...((نعنبوو الحب اللي تعرررفه يالضفدع ..!!)) عاااادي واناااا ماني متعووود على اصوات البنات لان ما شاء الله بيتنا فيه خمس طعشر رجال اللي هم انااا واخواااني وابوي وامي (( الله يخلف على ابوك واميمتك هذا وانت ااكبر اخواانك عليه العوض ومنه العوض)) يعني انا واخواني ماشفنا بنت ابد وهذا اللي سبب لنا عقده تسمى العقده الفيسلوجيه.. (( من وين جت ذي )) المهم اني قررت اتعرف على بنااات .. بس فيع مشكله وحده اللي هي ان ماعندي اسلووب ابد .. ((يعني وقفت على الاسلوب .. نعن ابووو حيك انت عندك الف مشكله مو مشكله بس .. واهمها مشكلة وجهك الي كنه لووحه انتبه اما نقطة تفتيش ..!!))  الوكاااد اني ماالقيت قداامي الاااا واحد من العيال اسمه عزوز ..معروف ان البنات مايعوقوون معااااه .. وانا اللي القط مفتاح سيارتي واروح له الوكااد .. اني رحت عزوزوزوز وعلمته بوضعي وان امنيتي في الحياة اتعرف على بنت قبل لامووت .. (( اخووووص ياشاايب )) فقالي السالفه بسيطه اذا بغيت البنت تحبك حسسها انها احسن وحده في العالم.. قلت له .. يعني كيف .. يعني .. يعني كيف .. يعني اقولها انتي احسن من مرادونااا ..!!  وهو اللي يرفسني برجله في بطني .. وقال لي .. انت ثووور .. وش دخل مردوناااا يالغبي .. انا قصدي انك تحسسها بانوثتهااا وان مافي بنت غيرها في العالم .. قلت له ... برضه مافهمت .. يعني تبيني اذبح كل البنات واخيلها لحالها ..!! وهو اللي يموه علي برجله ويمحطني بيده على جبهتي .. قالي شوف. انت حمااااار .. وماراح تفهم الا بدرووس العمليه .. ويطلع جواله ويدق .. وقالي شوف .. انا هالحين ابي اكلم وحده ... وتعلم .. قلت له طيب ..وكلم .. وقال .. هلا حيااتي هلا عمررري هلاا روووحي ... انا لؤي حبيبك ومجنونك (( الحمد لله على العقل نعنبو بليسك وين لؤي معه ... ولله لو اشوف وجهه في احسن الاحوال بعد ماعطيه غير اسم جعفر قال ايش قال لؤي ..)) وقام يقولها احبك واموت فيك انا بدونك مثل البيت بدون حااره .... مثل التلفون بدون حراررراه...... مثل السواق بدون سيااااره..... انا البنزين وانتي الشراره..... انااا الشارع وانتي الاناااااره .... انا الرومانسيه وانتي الاثااااااره... انا مبنى التجاره العالمي وانتي الطياره.... وقسم بالله بغيت اضمه وابووسه يوم سمعت كلااامه.. حسيت بشعور غريب نعن ابليسه لو يكلم جدار كان ذااااب ))  المهم .. انه خلص المكالمه .. والتفت لي.. وقااال لي يلا دورك ... بعطيك رقم بنت وكلمهااااا... وقوول لها نفس الكلااااامي .. قلت له بكل خجل طيب وهو الي يدق على بنت ويعطيني الجواااال عشاان اكلمهااااا.. وانااا اللي اقوول الووو ... ويوم سمعت صوتها ضاعت علومي... ونيست كل الكلام وقلت لهاااا.. بابا فين ...!! ومااحسيت الا وذيك الجزززززمه اللي لازقه في قفااااي وقااال لي قل نفس الكلام اللي قلته يالثووور .. وانا اللي اقول لها ... هلا حياااتي هلااا روحي هلااااا تعاااالي .. وقالت طيب .. وبعدين ى قلت لهاااا .. انا بدونك مثل الكيبورد بدون فاااااره .... مثل التقاطع بدون اشااااااره..... مثل الحماااار بدون حمااااااره .... <<=-=- كذا اصول الغزلمثل السلطه بدون خياااره .... انا محترررف وانتي نظاااام الاعااااره ... انا الولاااعه وانتي السجااااره ... انا الددسن وانتي الغماااااره ... انا الصروصووور وانتي البيااااااره ...<<=-=-= بيض الله وجهك اناااا طووط طوووط طوووط.... قفلت الخط في وجهي.... قااال عزوز وش فيك قلت له ... لا .... الخط مشغووووول ...!!(( مايعرف يصرف ابد ..!!)) ومااادريت الا وعزووز مطلع لوح فيه مساااامير ودبجني اللين قلت( لــغزٍلااان) ياخاله قصدي للعنز... المهم اني رجعت للبيت ودمااااني تصب وماليه وجهي من كثر الطق اللي جااااني من بلا ميعاااااد 00 لدرجه ان الي يشوفني مايعرفني طالع كأني مسابقه من صاحب هذه الصوره ...اللي يحطونها في المجلات ... وانا الي ادخل البيت بشويش عشان مايشوفني احد واطلع غرفتي واسكر البااااب واناااام ... وفي عز النوووم .... دق جرس التلفووون ... وارفع السماعه .. الا هي نفس البنت ... اللي كلمتني اول مره قلت نعم ... قالت سوسو موجوده ...؟؟ قلت لها ... شوفي بيتنا كله شباب .. ومافي احد يبداء اسمه بحرف السين.. انا واخواني كلنا اسمنا خاااالد ... ومافيه الا اخوووي الصغير فهد هو اللي اسمه نااايف ونناديه عبدالرحمن... (( وش عنده عادل امام..!!)) والبنت وسألتني البنت وش تسوي الحين ..؟؟ قلت .. لهااا .. ولله كنت نااايم ..قالت يؤؤ.. تنام في الليل انت ..؟ قلت اجل متى انام ..؟؟ قاااالت .. لا انا اناااام في النهاااار والسهر في الليل ...قلت .. لهااا ليش الاخت بوومه ...!! قاالت .. لا بس الليل وقت الرومانسيه .. انت تعرف الرومانسيه..؟؟ قلت لها لا ولله ماعرف بناااات.. انااا .. (( مسوي فيها فااهم )) وسألتني انت وش اسمك ..؟؟ احترت قلت ما ابي اقوول اسمي الحغيغ لها علشان الشبهات وسألتني انت وش اسمك ..؟؟قلت لها مصيول قالت .. وش معناااه .. قلت لها هذا اسم كلب .. كان عند جدي... وسماني ابوي عليه لاني اشبهه... ..وسالتها... انتي وش اسمك ... قالت... دااليداا .. قلت لها انا ابي اعرف اسمك مو عياارتك.. . قالت .. هذا اسمي ... (( وهذولي البنات تسألها وش اسمك تقول رهف ولا شووق ولا افنااان ولو عذري بس انه من جنبها ..!!)) سووويت فيها اسلوووب وقلت لها اني حبيت وحده بس انتهى هالحب لان اللي حبيتها خانتني .. قالت لي مين حبيت ..؟؟ قلت لها حبيت عنز جيرانا .. بس انها خانتني مع تيس سوري عشان معه قذله..!! المهم ان البنت قالتلي اووكي انا ابي اقفل لان امي تناديني .. قلت مووو مشكله ... وتطورة العلاقه وصرنااا نكلم بعض كل يووم .. وانا انقلب حالي .. ولاحظو اهلي اني تغيرة ..!! يعني نكون جالسين على الغداء ولا العشاء .. وانا ماكل سارح وانغف..وبعض المرات انسى اصبعي داخل خشمي  ولاحظوو اهلي اني صرة مؤدب واقراء واجد وانا اقراء عشان اعرف كلام جديد في الحب.. تلقاني اقراء كتب الشعر والطبخ ..((لاتستغربون لان كتب الطبخ اتعلم منها كلام حلو بعد مثل ياعسل.. ياحليب.. ياقشطه .. ياكريم كرامل ..!!))وبرررضه صرة ادخل كتب ممنوعه للبيت .. مثل كتاب ماذا تفعل في لليلة الدخله.. وكتاب سنه اولى زواااج.. بس المشكله انها ضاعت هالكتب مني وصرة اروح عند بيارة جااارنااا اللي طافحه واقعد افكررر واتأمل وارمي حصى وسط البيااااره ((مسوي رومنسي مثل اللي يجلسون على البحر ويرموون حصى ..))المهم انه في لليله من اليالي قالت لي البنت مصيول .. اوصفلي شكلك ..!! ياولله البلشه وش اقولها هذي الحين اقول لها اني قررررد .. اعترف لها بالحقيقه المررره واقولهااا اني جدار ماالي ملامح  اعترف لها اني شبيه عبدالله لسيماااان (( الف الحمد الله والشكر )) الوكاااد اني قلت في نفسي ياولد خلني اسوي مثل كل الشباب وانصب .. عليهاااا يعني تلقى الواحد من الشباب شييييين واذا شفته في الشارع ماتدري هو رايح ولا جاااي لان وجهه ماله معااالم ... ولو تشوف وجهه تحسبه واحد معطيك مقفااااه .. يعني مفروض يحط لوحه على وجهه ويقول هذا وجهي .. عشاان الناس مايلخبطون بين وجهه وقفااااااه ... وانا مثلكم واردى بعد .. انا اذا قابلت احد يجلس ساعه محتار وين وجهي من مقفاااااي ومايعرف الا اذا لقىى الورقه .. لان فيني ورقه مثل الي تجي في الفنايل والسراوويل عشااان تعرف وراي من قدامي ..!! المهم اني قلت لها ان عيوني مثل عيون جواد .. وطولي مثل طلال الرشيد .. وخشمي مثل خشم خالد عبدالرحمن وملحي مثل ملح راشد الماجد.. ومهضووم كثير مثل رامي عياااش ....(( ولله مانقص الا تحط ملحن معاهم وكمل الاوبريت ..)) الوكاااد ان البنت خقت معاااي وقامت تشاااهق من الفرررحه .. وسألتها انا انتي اوصفيلي شكلك.. قالت ماقدرررر... لما تشوفني تعرف لان مالي شبيه ... (( اخس يابرتني..)) وانا الي افك خشتي وسعابيلي تقووطر .. كني كلب شايف له عظمه ... وقلت لها يعني بشووفك ..؟؟ قاااالت .. اكيد ... انااا بكررره بارووح شاليهاااات ..اليمااامه اللي على طريق الخرج..ونتقابل هناااك..قلت لها ... بس هذيك للعوائل بس .. قالت عااد انت دبر نفسك .. قلت اوكي مو مشكله بس كيف اعرفك .. قالت بينا الجواااال ..اذا وصلت كلمني وانا اعلمك وين تلقاااني..قلت لهااا خلااااص الوعد هنااااك .... المهم اني انا توهقت وشلون ادخل للشاليهااات وهي للعوايل وقلت مالي الا عززووز ........ .. اتصل عليه واتفاااهم معه.. ودقيت عليه ورد علي بعصبيه نعم وش تبي ياغبي..؟؟وعلمته بسالفه من سلسل اللين طقاق عليكم .. (( تراني اقصد من طقطق للين سلام عليكم بس مدلخ شوي)) وقال لي ولله صبعه وش تبي تسووي قلت له وش رايك تلبس عبااية وتسوي نفسك حرمه وتروح معي على انك زوجتي.. وهو اللي يتغير وجهه وقاال .. انا ولد ابوووي .. . قلت له ... باللهتوني ادرري .. كنت احسبك ولد ابوي انا .. قال تستهبل يازباااال . . انا اسوي نفسي حرمه.. ياويل ويلي ويلاااه خيل  الخيل خيالهاااا.... قلت .. له يارجال كل تبن لادوس في بطنك ... جالسين في مظارب الباديه احناااا..!!  قال .. لي لا يابلاميعاد هذا الشي ماقدر عليه .. وش اقول للجماعه..؟؟قلت له .. ومن قال لك اننا نبي نحضر عرس ... احنا نبي نروح للشاليهااات .. وانت ماراح تكشف وجهك ابد .. قاال ليش انت ماتسوي نفسك حرمه وانا الرجاااال ..!! قلت له .. ياخوي انا ماقدررر لاني لا رجال نافع ولا حرررمه نافع ..وبعدين حتى لو غطيت وجهي بيكشفون اني ماني حررمه من ريحتي اللي كنها ريحة شربات عزوبي... قاال لي خلاااص ..قاال لي .. بس لاحد يدري ... قلت له .. ابشر بس جهز .. نفسك بكره .. بامررك ونروووح .. واخذت سيارت واحد من العيال ورحت يم بيت عزووووزي ... ولقيت عند بيتهم شحاده وهي اللي تجي تبي تركب...قلت لها .. الله يعطينا ويعطيك يااااخااااله ... وهي الي تطق قزازة السياره شوي وتكسرها علي ... وانا اللي اطلع من جيبي ريال ونص كنت ناوي اشتري فيها توكس .. بس قلت مو خسااره فيهاا.. عشاان ربي يوفقني .. وتوني افتح الدريشه باعطيهاااا.. الا وهي تقول افتح الباب الله ياخذ هالراس ..الصوت مو غريب علي يووووووه عزززووووزز ....... قااال ايه بعززووزز. .ا الله لايبارك فيك ... افتح بسرررعه قبل مايطلع احد من اهلي ... وفتحت له الباب وركب ... وانطلقنااا للشاليهااات.. ونزلنا من السياااره ..وامسك يد زوجتي اللي هي عزووووزز.. سابقاً ودفعنا حق التذاكر .. ويوم جينا ندخل وقفنا الحارس اللي على الباب ... وقاال .. لحظه لازم زوجتك تدخل محل تفتيش النساء لاننا شاكين فيهاااقلت له ليييش في مطااار احناااا... ترااه شاليهااات .. وبعدين وش فيها زوجتي ..!؟ قال الحاارس وش هالحرمه اللي لابسه زبيريااات ..؟؟ وانا اناظر في رجول عزوووزززز الا فعلاً لابسه حذيان !!!يالله لاتفضحنا بس .. وانا اللي اقول للحارس تسمح تتركني مع زوجتي شووي ابيها في كلمة راااس .. قال لي ادخل هالغررفه الفااضيه وتفااهم معاااهااا .. وانا اللي اسحب عزززووو للغرفه ..واترفس في بطنه وانواع الاكوااع ..نعن ابوك يالغبي حذيااان مره وحده .. قال .. وش اسوي مالقيت جزمه كعب على مقااسي ... وقلت له .. اسمع نزل العباية على رجولك عشان محد ينتبه يالغبي .. المهم اننا رجعنا للحارس واعتذرنا منه على سووء التفاهم .. ودفيناااه بمية ريااال عشاان يسكت ... واول مادخلنا استاجرت شاليه صغير وقلت عزززووووزز يجلس فيه وانا بروح ادور خويتي وطلعت ودقيت جوال على خووويتي وصفت لي مكااانهااا .. تقول انها عند الشجر اللي بجنب المطعم وانا الي اروح هناك واجلس ساعتين داورهاااا ومالقيتهااااا .. وادق عليهااا جوال واقول لهاا وينك فيه لي ساعتين ادورررك .. قالت انت وينك.. بالظبط قلت لهاا .. انا واقف جنب كيس زباااله وانتي وينك ..!؟ قالت انا واقفه جنب واحد شكله مجنون وعليه قل صــح ... وانا اللي التفت ورااي...اووووووووب...هذي هي ..(( افااااا طلعت انا المجنون الي تقصده وطلعت هي كيس الزباااله اللي اقصده ..)) وهي اللي تنصدم وقااالت هذا انت ...!! وين الوصف اللي تقووول اجل طلال الرشيدهاه ... امحق طلال اللي تشبهه انت .. (( صادتني ان عيوني مثل عيون خالد الملا .. وجسمي نبيل شعيل.. وخشمي مثل عبدالمجيد عبدالله..)) قلت لهاا ... لا انا فعلا مثل ماقلت بس صار لي حادث وهوو اللي اثر على وجهي ولا انا كنت حلوووو ..(( اييه هين ..)) قاالت .. مو مشكله المهم اسلوبك اعجبني.. قلت لهاا .. اشووى ان اعجبك شي فيني .. وطلبت منها انها تووريني وجهااا... قااالت طيب بس لايشوفنا احد .. وانا اللي اغطي عليها وقلت لها يلا بسررعه.. وهي اللي ترفع الغطوه .. وانااا واللي اضحك .. !! قااالت وش فيك تضحك ..؟؟ قلت لها يلا عاااد بدون استهباااال..قااالت وش فيك ..؟؟ قلت لهااا يلا بسرررعه شيلي القناااع ... اللي على وجهك لاتستهبلين ..!!وهي اللي تقول هذا وجهي الصدق يااقرررررد .. وانااا اللي انصدم واحس ان الارض تدوورفيني... وش ذا الوجه الشيييين اول مره اشوف وجه يطلع منه ريحه مخيسه نعن ابوهااا حتى الشجر اللي كان وقفن جنبها رفع ثوبه واوانحااشت .. وكل الشجر اللي كان حولنا انحااش وراح وقف في مكااان ثااااني بعيد من شيين وجهااا ...!!وانا كنت حاط في بااالي كلام رومانسي جلست عشرين دورلااااار يووم احفظ فيه .. عشااان اذا شفتها اقوله لهااا ... بس يوم شفت وجهاا اللي كنه واحد جالس في مجلس رجاجيل وفيه اسهاااال ..وضيعت كل الكلام اللي حفظته .. وقمت الخبط في الكلاام سألتهااا ليش الغمص ساكن عيونك ..!!؟؟ جاوبتني من الأرق ..!!سألتها طيب وش هالبيبسي اللي مكبوب على ثوووبك ..!؟؟ جاوبتني هذا مو ببسي .. هذا مرق ..!!سألتها طيب ماعندك غير هالثووووب ..!!؟؟ جاوبتني إلا كان عندي بس انسررررق ..!!سألتها مادامك شينه وشهوله تغاازلين ..!!؟؟ جاوبتني .. انا كنت حلوه بس أن وجهي انحرررق ..!! وسألتني وش رايك فيني ماشبه باسكااال ..؟؟ جاوبتهااا... انتي جسمك جسم باسكااال .. بس الوجه الله خلق وفرق..!! المهم اني ماقدرت اتحمل وجهها وقلت لها انتي جدك الاكبر كان غوريلاااا ..؟؟ قاالت .. لي .. لااااتطنز انت وجهك ... انا اول كنت مصدقه ان الديناصورات انقرررضت .. بس من يوم شفت وجهك عرفت ان هالكلام اشاعاات..!! قلت لهااا .. شووفي ياآنسه جرااده .. انا ودي اجاملك واقوولك كلاام حلووو .. بس وجهك يقوووول مالك امل ..!! قالت لي .. والله حتى انا بعد ودي اقولك حلووو بس وجهك مايسااعد وجهك كنه دعاية لالالاللمخدراات ...!!المهم .. ان كل واحد فينا تفل في وجه الثاني ورحناااا ..!! وانااا من الصدمه توووقف تفكيري .. وكل آمااالي واحلاااامي  راااحت ادراج الدواليب.... وركبت السياره ورجعت للبيت واناااا متحطم .. كنت متخيلهااا مثل مايا نصري ولا اليساااا... وطلعت مثل فطوومه... لاااااااااااا خلاااص مابي اتعرف على بناااات(( تكفى اخر مرره .. حرام تحطم قلووب المعجبااات.. ياراغب علاامه ..اقول انطم بس ..))الوكاد اني سكرت باب الغرفه ونمت نومه عدوووووووومكم .. (( مسوي علوم رجاال ..!!)) وماديرت اليوم الثاني الا باللي يرررفس الباااب .. وانا اللي .. انقز من فراشي وش السالفه ياااربع . . الا وهو خالي يصااايح افتح ياسمرمدي .. افتح لابااارك الله فيك .. وانااا اللي افتح البااااب.. الا واوبي في وجهي ووجهه مايطمن ... ويطلع ذيك العجراء من مخبااااه وانواااع التلحيط ...واخووواني وامي واقفين عند البااااب يتفرجون الانذااااال .. من لقاااهااا مصااارعه على الطبيعه ... المهم ان خالي شغال ضرب فيني ويقووول تتزوج من ورااانااا يالخسيس . . قلت له .. ولله ماتزوجت ... قال .. الا لان الشاليهاات اتصلوو علينا وقالو خلو بلا ميعاد يجي ياخذ زوجته الي نساها امس .. وانا اللي تضيع علومي . . وابي افهم خالي السالفه .. بس شغال ضرب فيني .. ماترك لي فرررصه وبعد جهد جهيد قدرت انفك من خالي ... ورحت لآخر الغرفه .. وياااخذ خالي نعاااال .. ويرميها علي وانا اللي اوخر عنهااا....بسرررعه وامسكهااا بفمي ... (( متأثر بالافلااام ))واخواااني يوم شافوني سويت هالحكره وهم اللي يصفرون ويصفقون لي .. وانااا اللي اتحمس وانط على خالي وامسكه مسكه منوومه.. (( اخربها الغبي مع خالي  ..!!)) وينط واحد من اخواني ويمسك يد ابوي ويرفعهااا اول مره وطاااحت وثاني مره وطاااحت وثالث مره وطااااااااحـ .. لاااااا لاااا لاااا غير معقووول ... رفع خالي يده وقام يأشر باصبعه يعني لا تراني مانمت ويوم شفته مانام ونااا اللي اقووم وامسك ارجوووله واسوي له حركه مقصيه عشاان يستسلم بس ماستسلم بس هو عنيد يحاول يزحف عند الحبااال ... بس انا ماخليته ينفس ... وفجــأه .. اووووه لاااا تدخل خاااارجي ... امي جابت المقلاااااااه ومحطتني على بجهتي محطه مدووووويه ..وتدخلو اخواااني ومسكوو امي وطلعوهااااا براا الحلبه (( عائلة دلووخ )) المهم اني دخت ومعاد ادري وين انااااااا وطحت مكااااني ويزحف خالي بشوووويش ويحط يده على صدري ويعدون اخواني واحد اثنييييين ثلاااااااااااااااااثه ... فااااااااز خاااااااااااااااااالي هييييييييييه (( الحمد لله والشكر بس ))المهم اني فهمت خالي السالفه ((ما صلح في جريااات ابد اعلم وكع على طوووول )) ونمر بيت ابوعزووز ونعلمه وانواع التمحيط فيني المهم إنا وصلنا للشاليهااات وقلت له لك مفاجأهو اللي يضحك قال ولله اني خابرك ذيب ماتترك خويك كذا الرجال ولا بلاااش وانا اقول في صدري ايه هين وهو يقول اكيد بتعرفني على وحده من خوياتها قلت ايه انااا بعرفك صحيه 00 وهو يبي يشووف المفاجأه بيفصخ العبااه قلت لهاا خلهاا عليك كذا احسن (( انواع النذاله فيني )) وصلنااا السيااره الا وابوعزووزز ماسك مفك العجل في يده يحتري ولده .. ... وعزززووزز من هول الصدمه ماعاد شالته رجلينه .. طاااح مكااانه وقام يصيح ويولول...واستلمه ابوووه انواااع تفقيع الوووووجه وانواع الترفيع والتنزززيل ... وانا جالس اتفرج ومبسوووط ومادريت الا وابوي ماسكني وانواااع الركب .. وانااا اللي اصيح فيه ... هيه يابو الشباب حلا هي..!! توك طاقني قبل شوووي ...!! قااال خاالي... ايه صح ... بس عيب الرجال يطق ولده وانا جالس اتفرج .. لازم اسوي شي انا بعد (( لا صراااحه ان خاللي فاهم في الاصول .. طالع علي .!! ))المهم عقب الطق الي كليته انا وعزوزوز ... تزاعلناااا .. وانا حرمت اتعرف على بناااات ..ومثل ماااقاال المثل .. ابعد عن الشر ياعمري وغني لووووه ... ودانه دانه لدانه ... دانه واااويلوووه مشكلني حبك يامروح الروح مشكلني يااالبيه يالبنات اللي مع راشد في الفديو كليب...اروووووووووح قزاز على خط الحجاااز لعيونهم .. (( شكله ماتاب ناوي نطق مره ثااانيه Comments (4)
TrackbacksThe trackback URL for this entry is: http://fbjw.spaces.live.com/blog/cns!E89D3CCBE247ED2!480.trak Weblogs that reference this entry
|
|
|
